دەنەم دەدەی دەدەن دەدادەدەن دەنەم
له دڵی خۆیدا: (( بهزیادم نهکرد فریای ئهوهڵهکهی نهکهوتم! ))
...كردووە؟
ـ نا لەبەر ئەوە نییە، لەبەر ئەوەیە لە منداڵییەوە
كەس وەك فیلسووفێك سەیری نەكردووم و
هیچ پرسیارێكی فەلسەفییان لێ نەكردوووم
بۆیە نەبوووم بە فیلسووف
" جیڕەی دەرگا"
له دڵی خۆیدا: (( خۆزگه له ئهوهڵهوه دیتبایهم))
ـ راستە
ـ ئەی تۆ؟
ـ راستییەكەی من
هەر كات شتێك دەخوێنمەوە
یانی هەر كاتێك كتێبێك دەخوێنمەوە
" ورتە ورتی ناڕوون "
له دڵی خۆیدا: (( دهلهوێ دوورکهونهوه! ))
هەست دەكەم دوو كەسم
كەسەكەی دەرەوەم شتێك دەخوێنێتەوە و
كەسەكەی ناوەوەم شتێكی دیكە
دوو بابەتی تەواو لێك جیاواز
كەچی هیچیان سەر لەوی تریان ناشێوێنێ و
هەر دووكیان لەوەی دەیخوێننەوە
بەباشی تێ دەگەن!
" جیڕەی دەرگا"
له دڵی خۆیدا: (( رێک وهک من! ))
ـ دەزانی چۆنە؟ پێم وابێ
هۆكاری سەرنج راكێش بوونی
چیرۆك و رۆمان و فیلمەكانی
وڵاتە پێشكەوتووەكان بۆ ئەوە دەگەڕێتەوە
كە ئەوان زۆربەیان بێ دایك و باوك
گەورە دەبن!
" ورتە ورتی ناڕوون "
له دڵی خۆیدا: (( قسهی قۆر! ))
نا خراپ تێ مەگە
مەبەستم ئەوەیە بەتەنیایی ژیان و
یەك دەست نەبوونی پێكهاتەی بنەماڵە و
سەربەستی و ئازادی و سەرەرۆیی
تاكەكان لەو وڵاتانەیە وا دەكات
دەفەتی داهێنان و تاودانی خەیاڵ
و بیركردنەوەیان زیاتر بێ!
" جیڕەی دەرگا"
له دڵی خۆیدا: (( نهم گوت قسهی قۆڕ دهکا! ))
دیارە لەگەڵ ئەوەی من خۆم
لەگەڵ ئەوەدا نیم، بەڵام لام وایە
ئەو شێوازە ژیانەی ئەوان
شێتی و خەمۆكییەكی زۆریشی
لەگەڵ خۆی بەدیاری بۆ هێناون
" جیڕەی دەرگا"
له دڵی خۆیدا: (( ئهرێ تۆ شهرهفت خۆشت دهزانی دهڵێی چی؟! ))
ـ تا رادەیەك لەگەڵ بۆچوونەكەتم بەڵام..
" جیڕەی دەرگا"
له دڵی خۆیدا: (( تا رادهیهک یانی چ رادهیهک؟! ))
" ورتە ورتی ناڕوون "
بەڵام..
" جیڕەی دەرگا"
له دڵی خۆیدا: (( دهناڵێم لهوێ دوور کهونهوه! ))
لێناگەڕێن بەجوانی قسەكەمان بكەین
هەستە با بڕێك لەو جیرەجیر و ورتە ورتە
دوور كەوینەوە
باسی چیمان دەكرد؟
ئەها!
" پشمین"
له دڵی خۆیدا: (( ئهوه چۆن بوو ئهقڵتان پێی شکا! ))
دەی لێی گەڕێ هیچ نەڵێم باشترە
پشمینی ئەو سەگ بابە لێی تێك دام
ـ زەحمەت نەبێ قاپێكی دیکهم نۆك بۆ تێكە
ـ بەسەر چاو، چەور بێ یان نا؟
ـ با چەوربێ!
ـ ئهوهش قاپێکی دیکه! بیکهی به گۆشت!
ـ دهکاته چهند؟
ـ دهکاته...
ـ فهرموو، دهست خۆش، من رۆیشتم!
ـ زۆر باشە سەرچاوان
ـ ئەرێ برام ناوەكەتم نەزانی
" دەنگی دید دیدی ماشێن"
ـ ناوم...
" دەنگی دید دیدی ماشێن"
ـ منیش ناوم...
" دەنگی دید دیدی ماشێن"
له دڵی خۆیدا: (( حهح! لهوکورته فیلمهی! ئهوهچبوو؟ ))
كۆتایی
كورتە فیلمی
" نۆکاو "
لە نووسینی: ناسر فەتحی
لە دەرهێنانی: خۆم فهتحی
كامێرا: من فهتحی
ئەكتەرەكان: خۆم و نۆکاو فرۆشێک
ژێرنووس: كوڕی عومبەری گۆرهی باز
سپاس بۆ: جهددوئابادم
ئەم كورتە فیلمە پێشكەشە بە
رێكخراوی كەڕولالانی پەناتاوا
***